||Sundarakanda ||

|| Sarga 8||( Slokas in Gujarati )

 

(PS: This is a true translation of the Sanskrit epic which tends to have long descriptive sentences which are retained as they are)

Sanskrit Sloka text in Devanagari, Gujarati, Kannada, Telugu , and English

||om tat sat||

સુંદરકાંડ.
અથ અષ્ટમસ્સર્ગઃ

સ તસ્ય મધ્યે ભવનસ્ય સંસ્થિતમ્ મહદ્વિમાનં મણિવજ્રચિત્રિતમ્|
પ્રતપ્ત જંબૂનદજાલકૃત્રિમમ્ દદર્શ વીરઃ પવનાત્મજઃ કપિઃ||1||

સ|| વીરઃ પવનાત્મજઃ કપિઃ ભવનસ્ય તસ્ય મધ્યે સંસ્થિતંમહત્ વ્માનં દદર્શ| તત્ વિમાનં મણિવજ્રચિત્રિતં જમ્બૂનદજાલકૃત્રિમમ્ અપિ (અસ્તિ)|

That mighty son of wind god Vayu saw the great aerial car stationed in the middle of that palace. The aerial car was rendered beautiful with gems and diamonds and was adorned with latticed windows of gold.

તદપ્રમેયાપ્રતિકારકૃત્રિમમ્ કૃતં સ્વયં સાધ્વિતિ વિશ્વકર્મણા|
દિવં ગતં વાયુપથપ્રતિષ્ટિતમ્ વ્યરાજતાssદિત્ય પથસ્ય લક્ષ્મવત્|| 2||

સ|| તત્ અપ્રમેય અપ્રતીકારકૃત્રિમમ્ (વિમાનં ) સ્વયં વિશ્વકર્મણા સાધુ કૃતં ઇતિ |(તત્ વિમાનં) દિવં ગતં વાયુ પથે પ્રતિષ્ઠિતમ્ આદિત્ય પથસ્ય લક્ષ્મવત્ વ્યરાજત||

That aerial car with images of incomparable beauty and immeasurable skill was built by Viswakarma ( the divine architect) himself. That aerial car which was placed in the aerial path in the orbit of Sun shone like a beacon light.

નતત્ર કિંચિ ન્નકૃતં પ્રયત્નતો ન તત્રકિંચિન્ન મહાર્હરત્નવત્|
ન તે વિશેષા નિયતા સ્સુરેષ્વપિ ન તત્ર કિંચિન્ન મહાવિશેષવત્|| 3||

સ|| તત્ર કિંચિદપિ પ્રયત્નતઃ ન કૃતં નાસ્તિ| તત્ર ન મહર્હરત્નવત્ કિંચિદપિ નાસ્તિ| તે વિશેષાઃ સુરેષ્વપિ ન નિયતાઃ | તત્ર ન મહાવિશેષવત્ કિંચ્દપિ નાસ્તિ|

There was nothing in that chariot that was executed without special care and effort. There was nothing in that that was not made with costly gems. Those unique things were not available even to gods. There is nothing in that which was not unique.

તપસ્સમાધાનપરાક્રમાર્જિતમ્ મનસ્સમાધાનવિચારચારિણમ્|
અનેકસંસ્થાન વિશેષનિર્મિતમ્ તતસ્તતસ્તુલ્ય વિશેષદર્શનમ્|| 4||

સ|| તત્ વિમાનં તપઃ સમાધાનપરાક્રમાર્જિતમ્| તત્ વિમાનં મનઃ સમાધાનવિચાર ચારિણમ્| તત્ વિમાનં અનેક સંસ્થાન વિશેષનિર્મિતમ્ | તતઃ તતઃ તુલ્યવિશેષ દર્શનમ્||

That aerial car was acquired through special efforts of penance and prowess. It can go to desired places even by a thought (of its master). It is built with many special seats. It is of wonderful appearance at all places.

વિશેષમાલાંબ્ય વિશેષસંસ્થિતમ્ વિચિત્રકૂટં બહુકૂટમંડિતમ્|
મનોભિરામં શરદિંદુ નિર્મલમ્ વિચિત્રકૂટં શિખરં ગિરેર્યથા ||5||

સ|| તત્ વિમાનં વિશેષં આલંબ્યવિશેષ સંસ્થિતં| તત્ વિમાનં વિચિત્રકૂટં બહુકૂટમંડિતમ્ અસ્તિ| નિર્મલં શરદ્ ઇન્દુ ઇવ મનોભિરામં| ગિરે શિખરં યથા વિચિત્રકૂટં (અપિ અસ્તિ)|

That aerial car was specially designed in a unique manner. It had many wonderful decorated peaks. Like the autumnal full moon it was pleasing to the heart. Like a mountain peak it had wonderful towers.

વહંતિ યં કુંડલશોભિતાનનાઃ મહાશના વ્યોમચરા નિશાચરાઃ |
વિવૃત વિધ્વસ્તવિશાલલોચનાઃ મહાજવા ભૂતગણા સ્સહસ્રશઃ||6||

સ|| યં ( વિમાનં) સહસ્રઃ કુણ્ડલશોભિતાનનઃ મહાશનાઃ વ્યોમચરાઃ નિશાચરાઃ વિવૃત વિધ્વસ્ત વિશાલ લોચનાઃ મહાજવાઃ ભૂતગણાઃ વહંતિ||

That aerial cars was borne by thousands of groups of Bhutas who have faces brightened by earrings, who are gluttons, who are ranging in the sky, who are night birds, who are with big rolling and frightening eyes as well as those who have tremendous speed.

વસંતપુષ્કોત્કરચારુદર્શનમ્ વસંતમાસાદપિ કાંત દર્શનમ્|
સ પુષ્પકં તત્ર વિમાનમુત્તમમ્ દદર્શ તદ્વાનરવીરસત્તમઃ||7||

સ|| તત્ વાનર સત્તમઃ તત્ ઉત્તમં પુષ્પકં વિમાનં દદર્શ | વસંતપુષ્કોત્તરચારુદર્શનં તં વિમાનં દદર્શ| વસંત માસાદપિ કાન્ત દર્શનમ્ તં વિમાનં દદર્શ|

That best of Vanaras saw the best of aerial cars namely Pushpaka. The aerial car was looking beautiful like a collection of blossoms of the spring. It was appearing more beautiful than the spring itself.

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે અષ્ટમસ્સર્ગઃ||

Thus ends the eighth Sarga of Sundarakanda in Ramayana, the first ever poem of mankind composed by Maharshi Valmiki.||

|| Om tat sat ||